Want create site? With Free visual composer you can do it easy.

പൂരക്കളി

പുരാതനകാലത്ത് ഏഴിമല മൂഷികരാജാക്കന്മാരും അവരെത്തുടർന്നു കോലസ്വരൂപക്കാരും വാണു പോന്ന കേരളവിഭാഗമാണ് കോലത്ത് നാട്. ഇത് തെക്ക്‌ കോരപ്പുഴ മുതൽ വടക്ക് നേത്രാവതി നദി വരെയുള്ള സ്ഥലമാണ്. ഈ കോലത്ത് നാട്ടിൽ വസന്ത കാലത്ത് അരങ്ങേറി കളിച്ചു വന്ന ഒരു ഗ്രാമീണ കലയാണ് പൂരക്കളി. കേരളത്തിലെ മറ്റു പ്രദേശങ്ങളിലും പൂരാഘോഷങ്ങൾ നടത്താറുണ്ടെങ്കിലും പൂരക്കളി കോലത്ത് നാട്ടിൽ മാത്രമാണ് നടത്തി വരുന്നത്. കാസറഗോഡ് ജില്ലയിലെ കാസറഗോഡിന് തെക്കുള്ള പ്രദേശങ്ങളും കണ്ണൂർ ജില്ലയും, കോഴിക്കോട് ജില്ലയുടെ വടക്കുഭാഗമായ ലോകനാർക്കാവിന്റെ പരിസര പ്രദേശങ്ങളിലും അടങ്ങിയ സ്ഥലങ്ങളാണ് പൂരക്കളി കളിക്കുന്ന സ്ഥലങ്ങൾ. പ്രാദേശിക മാറ്റങ്ങൾ ഈ സ്ഥലങ്ങളിലെ കളികളിൽ കാണാൻ കഴിയും.

poorakali

പൂമാല ഭഗവതി

poomala-bagavathi

ആര്യ ദ്രാവിഡ സമ്പർക്കം മൂലം ദേവി പൂജ പല ജാതിക്കാരുടെ ഇടയിലും പല രൂപത്തിലായിത്തീർന്നു. കേരളത്തിലെ രാജവംശങ്ങൾ തന്നെ അമ്മയെ പരദൈവമാക്കി പൂജിക്കുന്നു. കോലത്തുനാട്ടിലെ കാവുകളിലെ അമ്മ ദൈവങ്ങൾ പ്രാദേശിക ദേവതകളാണ്. ആര്യനാട്ടിൽ നിന്നും മരക്കലമേറി വന്ന പൂമാലികയും ഈ അമ്മ ദൈവങ്ങളോടൊപ്പം ആരാധ്യയായിത്തീർന്നു. അമ്മ ദൈവങ്ങൾക്ക് കളിയാട്ടവും വടക്കേം വാതിലും കൽപ്പിച്ചു കൊടുക്കുന്നതുപോലെ പൂമാലികയ്ക്ക് പാട്ടുംപൂരവും കോലത്തിരി കല്പിച്ചുകൊടുത്തു.

പൂരവേലയെക്കുറിച്ചു കേരളോൽപത്തിയിലും സൂചനയുണ്ട്. ആര്യ രാജാവിന്റെ മകൾ പൂരം നോറ്റ് കന്നികളോടൊത്ത് പൂവറുത്ത് നീരാടി വരുമ്പോൾ മോഹാലസ്യപ്പെട്ട് വീണത് കണ്ട് തോഴികൾ രാജാവിനോട് ഉണർത്തിച്ചു. രാജാവ് ജ്യോതിഷിയെ വരുത്തി പ്രശ്നചിന്ത ചെയ്‍തപ്പോൾ ലോകമാതാവായ ദേവിക്ക് കേരളം കാണാൻ ആഗ്രഹമുണ്ടെന്ന് പറഞ്ഞു. യാത്രചെയ്യാൻ ഒരു മരക്കലം തീർത്തു കൊടുക്കണം എന്നു പ്രവചിച്ച പ്രകാരം രാജാവ് ശിൽപിമാരെ വരുത്തി സുന്ദരമായ ഒരു മരക്കല൦ പണി കഴിപ്പിച്ചു. ദേവിക്കിരിക്കാൻ സ്വർണ്ണപീഠവും പ്രതിഷ്‌ഠിച്ചു. ദേവി തോഴിമാരുമൊത്ത് ആർത്തുവിളിച്ച് കപ്പൽ കയറി. കൂട്ടിനായി ചീർമ്മയേയും ആൺതുണയായി പൂമാരുതനെയും കൂട്ടി എതിർത്തുവന്ന അറബികളെയെല്ലാം തോൽപ്പിച്ച് ആഴികളൊക്കെ കടന്നു ഏഴിമലയെത്തി. ശങ്കരനാരായണനെ വണങ്ങി. കൂർവ്വന്തട്ട എന്ന സ്ഥലത്ത് ഭക്തനായ ദിവ്യൻ സൽക്കരിച്ചിരുത്തി. ആ സ്ഥലമാണ് കുറുവന്തട്ട കഴകം. പിന്നീട് പയ്യന്നൂരിൽ ഷൺമുഖനെ തൊഴുത് രാമൻ വില്ലൂന്നിയ സ്ഥലമായ രാംവില്യ൦ എന്ന സ്ഥലത്തിൽ വസിച്ചു. അത് രാംവില്യ൦ കഴകമായിത്തീർന്നു. പിന്നീട് മറ്റ് കഴകങ്ങളിലും കാവുകളിലും ക്ഷേത്രങ്ങളിലും ദേവി കൂടിയിരുന്നു. തുരുത്തി കഴകം, പാലക്കുന്ന് കഴകം എന്നിവയാണ് മറ്റു രണ്ടു കഴകങ്ങൾ. അണിക്കരക്കാവ്, തലേന്നരികാവ്, കുട്ടമത്ത് ക്ഷേത്രം ഇവിടെയൊക്കെ പ്രധാന ദേവി പൂമാലികയാണ്. പൂമാലക്കാവുകളിലാണ് പൂരത്തിന് ഏറ്റവും പ്രധാന്യം കല്പിക്കപ്പെടുന്നത്.

VIDEO

VIDEO

GALLERY

POORA KAZHCHAKAL

Did you find apk for android? You can find new Free Android Games and apps.